KUTCH CARE NEWS

આદિપુર અને ગાંધીધામમાં પોલીસે ક્રિકેટના સટ્ટા અંગે કાર્યવાહી કરીને બે શખ્સને ઝડપ્યા

2 years ago Kutch Care News

copy image આદિપુર અને ગાંધીધામમાં પોલીસે ક્રિકેટના સટ્ટા અંગે કાર્યવાહી કરીને બે શખ્સને પકડી પાડયા હતા. આ શખ્સો પાસેથી મોબાઈલ જપ્ત કરાયા હતા. આદિપુરના રામબાગ રોડ એસ.આર.સી.ની. ઓફિસ બહાર પોલીસે ગઈકાલે રાત્રે કાર્યવાહી કરી હતી. આ ઓફિસ નજીક બાંકડા ઉપર અંતરજાળનો શખ્સ બેઠો હતો અને પોતાના મોબાઈલમાં ક્રિકેટનો ઓનલાઈન સટ્ટો રમી રહ્યો હતો. તેવામાં અચાનક પોલીસ ત્યાં આવી અને શખ્સને દબોચી લીધો હતો. આ શખ્સ પોતાના મોબાઈલમાં આઈપીએલની ગઈકાલની પંજાબ કિંગ્સ અને સનરાઈઝર્સ હૈદરાબાદ મેચ ઉપર સટ્ટો રમી રહ્યો હતો. તેની પાસેથી રોકડ રૂા. 1250 તથા એક મોબાઈલ જપ્ત કરવામાં આવ્યો હતો. તેમજ ગાંધીધામના ચાવલાચોક નજીક શિવમંદિર પાછળ બેઠેલા એક યુવકને પોલીસે પકડી પાડયો હતો. આ શખ્સ લોટસ 365 ડોટ વિન નામની વેબસાઈટમાં બેલવિલ્લે અને કેમલરમટોન વચ્ચેની ક્રિકેટ મેચ ઉપર સટ્ટો રમી રહ્યો હતો. તેની પાસેથી પોલીસે મોબાઈલ જપ્ત કર્યો હતો.

ધાણીપાસા વળે જુગાર રમતા બે જુગારપ્રેમી પોલીસના સકંજામા

2 years ago Kutch Care News

copy image શહેરના ભીડનાકા બહાર ધાણીપાસાનો જુગાર રમતા બે જુગારીને પોલીસે ઝડપી પાડયા હતા.બપોરના અરસામાં ભીડનાકા બહાર રોયલ હોટેલની પાછળ દેશલસર તળાવની ગલીમાં જાહેરમાં ધાણીપાસા વડે જુગાર રમતા બે યુવાનને રોકડા રૂા. 16,800ના મુદ્દામાલ સાથે એ-ડિવિઝન પોલીસે ઝડપી આગળની કાયદેસરની કાર્યવાહી હાથ ધરી હતી.

ભુજની યુવતી સાથે ઓનલાઈન 54 હજારની ઠગાઇ

2 years ago Kutch Care News

copy image ઇન્સ્ટાગ્રામ પર એક્ટિવા વેચવાની મૂકેલી જાહેરાત જોઇ, ભુજની યુવતીએ સંપર્ક કરતાં તેની સાથે 54 હજારની ઓનલાઇન છેતરપિંડી થઇ હતી. જો કે, સાયબર ક્રાઇમ સેલ (એલસીબી)એ મદદરૂપ બની રકમ પરત અપાવી હતી. આ અંગે સાયબર ક્રાઇમ સેલ (એલસીબી)દ્વારા મળેલ માહિતી અનુસાર ભુજની યુવતીએ ઇન્સ્ટાગ્રામ પર એક જાહેરાત જોઇ હતી, જેમાં જણાવાયું હતું કે, એક આર્મિ ઓફિસરની પોતાનાં વતનમાં બદલી થયેલ છે અને તેમને એક્ટિવા વેચવાનું છે. આથી અરજદારે સામાવાળાનો સંપર્ક કરતાં ચતુર ઠગબાજે વાતોમાં લઇને વિશ્વાસ બેસાડી અરજદાર પાસેથી અલગ-અલગ ટ્રાન્ઝેક્શન કરાવી કુલ રૂા. 54,143 ઓનલાઇન મેળવી લીધા ત્યાર બાદ એક્ટિવા ન આપી, અરજદારનો સંપર્ક બંધ કરી દીધો હતો. આથી યુવતીએ પોતાની સાથે ફ્રોડ થયાનું જણાઇ આવતાં તેમણે તુરંત સાયબર સેલ (એલસીબી)નો સંપર્ક કરતાં સેલે અરજદારને મદદરૂપ થઇ તાત્કાલિક પત્ર વ્યવહાર તથા ટેકનિકલ રિસોર્સના આધારે અરજદારની ગયેલી પૂરેપૂરી રકમ તેમનાં ખાતાંમાં પરત અપાવી હતી.